Tge è swissfestivals?

swissfestivals è in'associaziun da festivals culturals da la Svizra, tranter auter en ils champs da musica, litteratura, teater, saut, medias novas, film e cabaret.

 

Ils festivals èn ina part essenziala da la purschida culturala. Festivals han la particularitad da porscher entaifer curt temp in program fitg spess. Quai dat al public la pussaivladad da s'occupar a moda intensiva cun mintga furma dad art e cun il tema. Plinavant genereschan festivals ina gronda attenziun da maun dals meds da massa.

 

Festivals cumpletteschan las instituziuns culturalas staziunaras e contribueschan in'impurtanta part a la cultura svizra uschè diversa.

Tge vulan swissfestivals?

swissfestivals han trais finamiras:

  • • formular e represchentar ils interess communabels envers autoritads, fauturs statals e privats, instituziuns culturalas, l'economia, ils meds da massa e la publicitad;
  • • barattar experientschas ed infurmaziuns tranter ils singuls festivals, nizzegiar sinergias e stabilir contacts cun instituziuns da la Svizra e da l'exteriur che han il medem intent;
  • • lantschar activitads communablas per sustegnair las activitads da marketing individualas e per nizzegiar las sinergias.

swissfestivals vulan realisar las suandantas ideas e projects:

  • rimnar ed evaluar ils fatgs che rendan clers la muntada sco er il niz da festivals, tant il niz cultural sco era quel per l'economia publica;
  • drizzar en ina plattafurma per il barat intern ed extern dad infurmaziuns ed experientschas sco er evaluar ils interess ed ils basegns da festivals svizzers;
  • lantschar in agen portal d'internet ed ulteriuras activitads communablas, p.ex. ina conferenza annuala.

 

Suprastanza

Jurriaan Cooiman

Javier Hagen

Johannes Rühl

Ann-Marie Arioli

 

CULTURESCAPES (president)

Festival für Neue Musik forum :: wallis

Internationales Musikfestival Alpentöne

Theater Chur